Nutqiy xarakteristika – inson obrazini yaratishning muhim vositalaridan biri, epik va dramatik asarlarda personaj xarakteriga xos xususiyatlarni uning nutqini individuallashtirish orqali berish. Kishining nutqi uning xarakter xususiyatlari, intellektual darajasi va maʼnaviy olami, muayyan ijtimoiy guruh yoki hududga mansubligi va sh.k.lar haqida xabar beruvchi eng ishonchli manbadir. Shu bois ham adabiy asarda personaj nutqini individuallashtirish (oʻziga xos jihatlarini aks ettirish) toʻlaqonli badiiy xarakter yaratishning muhim sharti sanaladi.
Нутқий характеристика – инсон образини яратишнинг муҳим воситаларидан бири, эпик ва драматик асарларда персонаж характерига хос хусусиятларни унинг нутқини индивидуаллаштириш орқали бериш. Кишининг нутқи унинг характер хусусиятлари, интеллектуал даражаси ва маънавий олами, муайян ижтимоий гуруҳ ёки ҳудудга мансублиги ва ш.к.лар ҳақида хабар берувчи энг ишончли манбадир. Шу боис ҳам адабий асарда персонаж нутқини индивидуаллаштириш (ўзига хос жиҳатларини акс эттириш) тўлақонли бадиий характер яратишнинг муҳим шарти саналади.
Manba: Dilmurod Quronov, Zokirjon Mamajonov, Mashhura Sheraliyeva. Adabiyotshunoslik lugʻati / f.f.d. D. Quronovning umumiy tahriri ostida. – Toshkent: Akademnashr, 2010. – 400 b.