Gotik roman

Gotik roman – XVIII asrning ikkinchi yarmi – XIX asrning birinchi yarmida Yevropa va Amerika adabiyotlarida ommalashgan tematik jihatdan farqlanuvchi roman turi. G.r.lar gʻayrioddiy, dahshat va sirlarga toʻliq voqealarni qalamga olishi bilan xarakterlanadi. Mutaxassislar G.r. maʼrifatchilik romanlariga xos ratsionalizmning ziddi oʻlaroq maydonga chiqqani, badiiy adabiyot taraqqiyotida romantizmoldi hodisasi sifatida voqe boʻlgani hamda Yevropa va Amerika adabiyotlarida romantizmning qaror topishiga sezilarli taʼsir qilganini taʼkidlaydilar. G.r.ning asoschilari va yirik namoyandalari sifatida ingliz adiblari X.Uolpol, A.Radklif, M.Lyuis, fransuz adibi J.Kazotlar eʼtirof etiladi.

Готик роман – XVIII асрнинг иккинчи ярми – XIX асрнинг биринчи ярмида Европа ва Америка адабиётларида оммалашган тематик жиҳатдан фарқланувчи роман тури. Г.р.лар ғайриоддий, даҳшат ва сирларга тўлиқ воқеаларни қаламга олиши билан характерланади. Мутахассислар Г.р. маърифатчилик романларига хос рационализмнинг зидди ўлароқ майдонга чиққани, бадиий адабиёт тараққиётида романтизмолди ҳодисаси сифатида воқе бўлгани ҳамда Европа ва Америка адабиётларида романтизмнинг қарор топишига сезиларли таъсир қилганини таъкидлайдилар. Г.р.нинг асосчилари ва йирик намояндалари сифатида инглиз адиблари Х.Уолпол, А.Радклиф, М.Льюис, француз адиби Ж.Казотлар эътироф этилади.