Lakonizm

Lakonizm (yun. lakonismos – lakonikacha) – fikrni ixcham shaklda, loʻnda va aniq ifodalash. Bu xususiyat antik Yunonistonning Lakoniya viloyati hududida joylashgan Spartada yuksak qadrlangan, spartaliklar oz soʻz bilan koʻp maʼno ifodalashga intilishgan, shu bilan bogʻliq holda “lakonikacha nutq”, “lakonizm” tushunchalari ommalashgan. L. aforistika, maqol va matallar uchun muhim, aytish mumkinki, belgilovchi xususiyat sanaladi. Shuningdek, L. termini ayrim ijodkorlar uslubiga xos xususiyat maʼnosida ham ishlatiladi. Mas., baʼzan A.Qahhor uslubi haqida gap borganda, undagi oʻziga xos jumla qurilishi, siqiqlikni nazarda tutib, L. termini qoʻllanadi.

Лаконизм (юн. lakonismos – лаконикача) – фикрни ихчам шаклда, лўнда ва аниқ ифодалаш. Бу хусусият антик Юнонистоннинг Лакония вилояти ҳудудида жойлашган Спартада юксак қадрланган, спарталиклар оз сўз билан кўп маъно ифодалашга интилишган, шу билан боғлиқ ҳолда “лаконикача нутқ”, “лаконизм” тушунчалари оммалашган. Л. афористика, мақол ва маталлар учун муҳим, айтиш мумкинки, белгиловчи хусусият саналади. Шунингдек, Л. термини айрим ижодкорлар услубига хос хусусият маъносида ҳам ишлатилади. Мас., баъзан А.Қаҳҳор услуби ҳақида гап борганда, ундаги ўзига хос жумла қурилиши, сиқиқликни назарда тутиб, Л. термини қўлланади.