Amiq

Amiq (ar. عميق – chuqur) – aruz bahrlaridan biri, foilun (– v – ) va foilotun (– v – –) asllarining ketma-ket takroridan hosil boʻladi. A. bahri ilk bor Boburning “Muxtasar” asarida tilga olingan va uning arab sheʼriyatiga xos emasligi, asosan, fors sheʼriyatida mavjudligi taʼkidlangan. “Muxtasar”da amiqi musammani solim (– v – / – v – – / – v – / – v – –) vazniga:

Kel beri, ey parikim, hajrdin xastadurman,

Laʼlinga tashnadurman, zulfunga bastadurman, –

bayti misol sifatida keltirilgan.

Амиқ (ар. عميق – чуқур) – аруз баҳрларидан бири, фоилун (– v – ) ва фоилотун (– v – –) аслларининг кетма-кет такроридан ҳосил бўлади. А. баҳри илк бор Бобурнинг “Мухтасар” асарида тилга олинган ва унинг араб шеъриятига хос эмаслиги, асосан, форс шеъриятида мавжудлиги таъкидланган. “Мухтасар”да амиқи мусаммани солим (– v – / – v – – / – v – / – v – –) вазнига:

Кел бери, эй париким, ҳажрдин хастадурман,

Лаълинга ташнадурман, зулфунга бастадурман, –

байти мисол сифатида келтирилган.