Annotatsiya

Annotatsiya (lot. annotatio – izoh, sharh) – asar mazmunining qisqacha bayoni. Noshirlik amaliyotida kitoblarning ichki muqovasida, ilmiy maqolalarning sarlavhasidan keyin beriladi. Bu xil A.larni berishning tartibi shakllangan. Jumladan, kitoblarga beriluvchi A.larda muallif, kitobning tarkiblanishi, mavzusi, ahamiyati va sh.k.lar haqida; ilmiy maqolalarga yozilgan annotatsiyalarda esa qoʻyilgan muammo, uni tadqiq etish usullari, olingan natijalar va sh.k.lar haqida qisqacha maʼlumot beriladi. Shuningdek, bibliografik koʻrsatkichlarda ham A.lar beriladiki, bu ularning foydalanishda qulay boʻlishini taʼminlab, amaliy ahamiyatini oshiradi. A. asarning oʻziga xos “pasporti” boʻlib, u bilan umumiy tarzda tanishtiradi, oʻquvchining informatsiya oqimidan oʻziga kerakli materialni tanlashiga yordam beradi.

Аннотация (лот. annotatio – изоҳ, шарҳ) – асар мазмунининг қисқача баёни. Ноширлик амалиётида китобларнинг ички муқовасида, илмий мақолаларнинг сарлавҳасидан кейин берилади. Бу хил А.ларни беришнинг тартиби шаклланган. Жумладан, китобларга берилувчи А.ларда муаллиф, китобнинг таркибланиши, мавзуси, аҳамияти ва ш.к.лар ҳақида; илмий мақолаларга ёзилган аннотацияларда эса қўйилган муаммо, уни тадқиқ этиш усуллари, олинган натижалар ва ш.к.лар ҳақида қисқача маълумот берилади. Шунингдек, библиографик кўрсаткичларда ҳам А.лар бериладики, бу уларнинг фойдаланишда қулай бўлишини таъминлаб, амалий аҳамиятини оширади. А. асарнинг ўзига хос “паспорти” бўлиб, у билан умумий тарзда таништиради, ўқувчининг информация оқимидан ўзига керакли материални танлашига ёрдам беради.