Apellyativ funksiya – nutq funksiyalaridan biri, nutq subyekti tomonidan nutq yoʻnaltirilgan shaxsga muayyan taʼsir oʻtkazilishi. Nutq jarayonida tinglovchiga maʼlum bir informatsiyani yetkazish (reprezentativ funksiya), yetkazilayotgan informatsiyaga oʻz munosabatini ifodalash (ekspressiv funksiya) va unga muayyan taʼsir oʻtkazish (apellyativ funksiya) maqsadlari hamisha mavjuddir. Ular universal xarakterga ega boʻlib, konkret nutq momentida ulardan biri yetakchilik, ustuvorlik qiladi, ayni damdagi nutq boʻlagi shunga mos (qurilishi, soʻz tanlash, intonatsiya va sh.k.) tarzda shakllantiriladi. Bu nutq hodisasi boʻlmish adabiy asarga ham toʻla taalluqlidir.
Апеллятив функция – нутқ функцияларидан бири, нутқ субъекти томонидан нутқ йўналтирилган шахсга муайян таъсир ўтказилиши. Нутқ жараёнида тингловчига маълум бир информацияни етказиш (репрезентатив функция), етказилаётган информацияга ўз муносабатини ифодалаш (экспрессив функция) ва унга муайян таъсир ўтказиш (апеллятив функция) мақсадлари ҳамиша мавжуддир. Улар универсал характерга эга бўлиб, конкрет нутқ моментида улардан бири етакчилик, устуворлик қилади, айни дамдаги нутқ бўлаги шунга мос (қурилиши, сўз танлаш, интонация ва ш.к.) тарзда шакллантирилади. Бу нутқ ҳодисаси бўлмиш адабий асарга ҳам тўла тааллуқлидир.
Manba: Dilmurod Quronov, Zokirjon Mamajonov, Mashhura Sheraliyeva. Adabiyotshunoslik lugʻati / f.f.d. D. Quronovning umumiy tahriri ostida. – Toshkent: Akademnashr, 2010. – 400 b.