Ariz

Ariz (ar. عريض– enli, keng) – aruz bahrlaridan biri. Mafoiylun (V – – –) va fauvlun (V – –) asllarining ketma-ket takroridan hosil boʻladi. Boburgacha yaratilgan ilmi aruzga oid asarlarda mazkur bahr tilga olinmagan. “Muxtasar”da bu bahrni ajam xalqlari yaratganligi taʼkidlangan va uning toʻrt vazniga bir baytdan misol keltirilgan. Xususan, Boburning :

Labing marjon, tishing dur, xating rayhon, hading gul,

Soching anbar, yuzung hur, menging moʻlton, yuzung mul.

bayti arizi musammani solim (V – – – \ V – – \ V – – – \ V – –) vaznida yozilgan.

Ариз (ар. عريض– энли, кенг) – аруз баҳрларидан бири. Мафоийлун (V – – –) ва фаувлун (V – –) аслларининг кетма-кет такроридан ҳосил бўлади. Бобургача яратилган илми арузга оид асарларда мазкур баҳр тилга олинмаган. “Мухтасар”да бу баҳрни ажам халқлари яратганлиги таъкидланган ва унинг тўрт вазнига бир байтдан мисол келтирилган. Хусусан, Бобурнинг :

Лабинг маржон, тишинг дур, хатинг райҳон, ҳадинг гул,

Сочинг анбар, юзунг ҳур, менгинг мўлтон, юзунг мул.

байти аризи мусаммани солим (V – – – \ V – – \ V – – – \ V – –) вазнида ёзилган.