Arxitektonika (yun. architektonike – qurilish sanʼati, meʼmorlik) – adabiyotshunoslikda adabiy asarning tashqi qurilishi, uning asosiy qismlari (boblar, fasllar; parda, koʻrinish)ni bir butunga birlashtirish maʼnosida qoʻllanadi; baʼzan kompozitsiya terminiga sinonim tarzida ham ishlatiladi, lekin bu maʼnosida termin ommalashgan emas. Chunki hozirda adabiy asar turli sathlardan tashkil topishidan kelib chiqib, kompozitsiyaning turli aspektlari (matn kompozitsiyasi, syujet kompozitsiyasi va sh.k.) haqida gapiriladi, shunga koʻra A.ga shu aspektlardan biri sifatida qaraladi. Yaʼni kompozitsiya termini A. tushunchasini ham qamrab oladi.
Архитектоника (юн. architektonike – қурилиш санъати, меъморлик) – адабиётшуносликда адабий асарнинг ташқи қурилиши, унинг асосий қисмлари (боблар, фасллар; парда, кўриниш)ни бир бутунга бирлаштириш маъносида қўлланади; баъзан композиция терминига синоним тарзида ҳам ишлатилади, лекин бу маъносида термин оммалашган эмас. Чунки ҳозирда адабий асар турли сатҳлардан ташкил топишидан келиб чиқиб, композициянинг турли аспектлари (матн композицияси, сюжет композицияси ва ш.к.) ҳақида гапирилади, шунга кўра А.га шу аспектлардан бири сифатида қаралади. Яъни композиция термини А. тушунчасини ҳам қамраб олади.
Manba: Dilmurod Quronov, Zokirjon Mamajonov, Mashhura Sheraliyeva. Adabiyotshunoslik lugʻati / f.f.d. D. Quronovning umumiy tahriri ostida. – Toshkent: Akademnashr, 2010. – 400 b.