Bayt

Bayt (ar. بيت – uy) – Sharq sheʼriyatidagi ikki misrali band turi. Har qanday ikki misra sheʼrning, garchi amaliyotda shunday hol kuzatilsa-da, B. deb atalishi toʻgʻri emas. Chunki B. ritmik-intonatsion va mazmun jihatidan nisbiy mustaqillik kasb etishi, yaʼni band maqomiga ega boʻlishi lozim. Shunga koʻra, B. atamasining band maʼnosida qasida, gʻazal, qitʼa janrlariga nisbatan ishlatilishi, Sharq sheʼriyatidagi boshqa janrlarning ikki misrali bandlariga nisbatan esa masnaviy atamasini qoʻllash toʻgʻriroq boʻladi (q. band).

Байт (ар. بيت – уй) – Шарқ шеъриятидаги икки мисрали банд тури. Ҳар қандай икки мисра шеърнинг, гарчи амалиётда шундай ҳол кузатилса-да, Б. деб аталиши тўғри эмас. Чунки Б. ритмик-интонацион ва мазмун жиҳатидан нисбий мустақиллик касб этиши, яъни банд мақомига эга бўлиши лозим. Шунга кўра, Б. атамасининг банд маъносида қасида, ғазал, қитъа жанрларига нисбатан ишлатилиши, Шарқ шеъриятидаги бошқа жанрларнинг икки мисрали бандларига нисбатан эса маснавий атамасини қўллаш тўғрироқ бўлади (қ. банд).