Dilogiya

Dilogiya (yun. di – qoʻshma soʻzlarda “ikki”, logos – soʻz, hikoya, rivoyat) – kompozitsion jihatdan nisbiy mustaqillikka ega ikki asardan tashkil topgan asar. D. tarkibidagi ikki asarni ijodiy niyatning yaxlitligi, bir-birini davom ettiruvchi umumiy syujet chiziqlari, umumiy personajlarga egalik bir butunga aylantiradi. Shuning uchun ham, mas., Choʻlponning “Kecha va kunduz” romani D. sifatida rejalashtirilgan boʻlib, muallif ijodiy niyati D. butunligida amalga oshishi lozim edi. D.ning “Kunduz” nomli ikkinchi qismi yoʻqolgani sababli, uning birinchi qismi – “Kecha” tugallanmagan asar, degan taassurot qoldiradi. Yozuvchi M.Ismoiliyning “Fargʻona tong otguncha” romanini D.ga misol sifatida koʻrsatish mumkin.

Дилогия (юн. di – қўшма сўзларда “икки”, logos – сўз, ҳикоя, ривоят) – композицион жиҳатдан нисбий мустақилликка эга икки асардан ташкил топган асар. Д. таркибидаги икки асарни ижодий ниятнинг яхлитлиги, бир-бирини давом эттирувчи умумий сюжет чизиқлари, умумий персонажларга эгалик бир бутунга айлантиради. Шунинг учун ҳам, мас., Чўлпоннинг “Кеча ва кундуз” романи Д. сифатида режалаштирилган бўлиб, муаллиф ижодий нияти Д. бутунлигида амалга ошиши лозим эди. Д.нинг “Кундуз” номли иккинчи қисми йўқолгани сабабли, унинг биринчи қисми – “Кеча” тугалланмаган асар, деган таассурот қолдиради. Ёзувчи М.Исмоилийнинг “Фарғона тонг отгунча” романини Д.га мисол сифатида кўрсатиш мумкин.