Ellipsis

Ellipsis (yun. elleipsis – tushirish, tushib qolish) – stilistik figuralardan biri, nutqda jumla tarkibidagi soʻz (boʻlak)ni atayin tushirib qoldirish. Yaʼni E. muayyan badiiy-estetik maqsadni koʻzlagan holda amalga oshadi, ikkinchidan, soʻz (boʻlak) tushirib qoldirilsa-da, uning borligi nazarda tutiladi va anglashilib turadi. Oʻzbek sheʼriyatida koʻproq bosh boʻlaklardan birining tushirib qoldirilishi hisobiga voqe boʻluvchi E.lar kuzatiladi. Mas.:

Bulbullarmi?! Yetar!

Gullarmi?! Boʻldi!

Soʻz navbati – yurakka...

Keltirilgan parchada kesim (beriladi) tushirib qoldirilgan va natijada “yurakka” soʻzi mantiqiy urgʻu oladi, sheʼrning dastlabki misralaridagi ohang shiddatining saqlanishiga erishiladi.

Эллипсис (юн. elleipsis – тушириш, тушиб қолиш) – стилистик фигуралардан бири, нутқда жумла таркибидаги сўз (бўлак)ни атайин тушириб қолдириш. Яъни Э. муайян бадиий-эстетик мақсадни кўзлаган ҳолда амалга ошади, иккинчидан, сўз (бўлак) тушириб қолдирилса-да, унинг борлиги назарда тутилади ва англашилиб туради. Ўзбек шеъриятида кўпроқ бош бўлаклардан бирининг тушириб қолдирилиши ҳисобига воқе бўлувчи Э.лар кузатилади. Мас.:

Булбулларми?! Етар!

Гулларми?! Бўлди!

Сўз навбати – юракка...

Келтирилган парчада кесим (берилади) тушириб қолдирилган ва натижада “юракка” сўзи мантиқий урғу олади, шеърнинг дастлабки мисраларидаги оҳанг шиддатининг сақланишига эришилади.