Grafomaniya

Grafomaniya (yun. grapho – yozmoq, mania – kasallik, dard) – iqtidori boʻlmagan holda yozishga ruju qoʻymoq. G. yozuvchilikni joʻn tushunish, unga shuhrat va boylikka erishishning oson yoʻllaridan biri deb qarash, oʻzining ijodiy imkoniyatlarini real baholay olmaslik oqibatida yuzaga keladi. Kitob nashr etish imkoniyatlari kengaygan hozirgi kun sharoitida G. keng tarqalgan hodisaga aylandi. G. maʼlum darajada kasallik sanalishi (“maniya” psixik kasallikka nisbatan ishlatiladi) mumkin, chunki unga yoʻliqqan kishi oʻz bitiklarini tanqidiy baholashdan ojiz boʻlib qoladi, oʻzgalar fikrini qabul qilmaydi, oʻzini tan olinmagan daho deb biladi, har qanday yoʻl bilan asar yozish va chop ettirishga intiladi.

Графомания (юн. grapho – ёзмоқ, mania – касаллик, дард) – иқтидори бўлмаган ҳолда ёзишга ружу қўймоқ. Г. ёзувчиликни жўн тушуниш, унга шуҳрат ва бойликка эришишнинг осон йўлларидан бири деб қараш, ўзининг ижодий имкониятларини реал баҳолай олмаслик оқибатида юзага келади. Китоб нашр этиш имкониятлари кенгайган ҳозирги кун шароитида Г. кенг тарқалган ҳодисага айланди. Г. маълум даражада касаллик саналиши (“мания” психик касалликка нисбатан ишлатилади) мумкин, чунки унга йўлиққан киши ўз битикларини танқидий баҳолашдан ожиз бўлиб қолади, ўзгалар фикрини қабул қилмайди, ўзини тан олинмаган даҳо деб билади, ҳар қандай йўл билан асар ёзиш ва чоп эттиришга интилади.