Jomiʼ ul-huruf (ar. الحروف جامع – harflarni jamlovchi, oʻz ichiga qamrab oluvchi) – mumtoz adabiyotdagi sheʼriy sanʼat, alifbodagi barcha harflarni takrorsiz qoʻllagan holda bayt aytish. Yaʼni J.h. asosida yozilgan baytda alifbodagi barcha harflar ishtirok etishi va ularning hech biri ikkinchi oʻrinda takrorlanmasligi talab etiladi. Oʻz-oʻzidan ayonki, mazkur talabni uddalash gʻoyat mushkul. Bir tomondan, yuzaga keltirish imkonining juda ham cheklangani, ikkinchi tomondan, koʻproq shaklbozlikka moyil boʻlganidan sheʼriyatda u qadar ommalashmagan.
Жомиъ ул-ҳуруф (ар. الحروف جامع – ҳарфларни жамловчи, ўз ичига қамраб олувчи) – мумтоз адабиётдаги шеърий санъат, алифбодаги барча ҳарфларни такрорсиз қўллаган ҳолда байт айтиш. Яъни Ж.ҳ. асосида ёзилган байтда алифбодаги барча ҳарфлар иштирок этиши ва уларнинг ҳеч бири иккинчи ўринда такрорланмаслиги талаб этилади. Ўз-ўзидан аёнки, мазкур талабни уддалаш ғоят мушкул. Бир томондан, юзага келтириш имконининг жуда ҳам чеклангани, иккинчи томондан, кўпроқ шаклбозликка мойил бўлганидан шеъриятда у қадар оммалашмаган.
Manba: Dilmurod Quronov, Zokirjon Mamajonov, Mashhura Sheraliyeva. Adabiyotshunoslik lugʻati / f.f.d. D. Quronovning umumiy tahriri ostida. – Toshkent: Akademnashr, 2010. – 400 b.