Katastrofa

Katastrofa (yun. katastrophe – burilish, toʻntarish) – tragediya yoki drama qahramoni hayotida keskin burilish yuz beruvchi holat, tashqi harakat dinamikasiga asoslangan syujetlarda peripetiya oʻtkir namoyon boʻluvchi nuqta, aksar hollarda yechim bilan ham mos tushadi. Mas., M.Shayxzodaning “Mirzo Ulugʻbek” tragediyasida Ulugʻbekning taxtdan kechishi va oxirgi farmonni berishi yoki Uygʻunning “Imon” dramasidagi haqiqat oshkor boʻlgan sahnani K.ga misol qilib koʻrsatish mumkin. K. termini antik davrlarda ilmiy muomalaga kiritilgan boʻlib, hozirgi adabiyotshunoslikda qoʻllanishi jihatidan passiv hisoblanadi.

Катастрофа (юн. katastrophe – бурилиш, тўнтариш) – трагедия ёки драма қаҳрамони ҳаётида кескин бурилиш юз берувчи ҳолат, ташқи ҳаракат динамикасига асосланган сюжетларда перипетия ўткир намоён бўлувчи нуқта, аксар ҳолларда ечим билан ҳам мос тушади. Мас., М.Шайхзоданинг “Мирзо Улуғбек” трагедиясида Улуғбекнинг тахтдан кечиши ва охирги фармонни бериши ёки Уйғуннинг “Имон” драмасидаги ҳақиқат ошкор бўлган саҳнани К.га мисол қилиб кўрсатиш мумкин. К. термини антик даврларда илмий муомалага киритилган бўлиб, ҳозирги адабиётшуносликда қўлланиши жиҳатидан пассив ҳисобланади.