Libretto

Libretto (ital. libretto – kitobcha) – 1) teatrda ijro etiladigan opera, operetta va balet spektakllarining qisqacha bayoni berilgan kitobcha. XVII asr oxirlaridan boshlab teatrga kelgan tomoshabinlarga shunday kitobchalar taqdim etilgan, terminning paydo boʻlishi ham shu bilan bogʻliq. 2) opera spektaklining matniy asosi, shuningdek, balet spektaklining adabiy ssenariysi. Har ikki holda ham asarni sahnada ijro qilish uchun asos boʻlib xizmat qiladi. L. maxsus, yaʼni yangi mavzudagi original asar sifatida yaratilishi ham, mavjud asarni moslashtirish, opera yoki operettaga mos inssenirovka qilish yoʻli bilan ham yozilishi mumkin.

Либретто (итал. libretto – китобча) – 1) театрда ижро этиладиган опера, оперетта ва балет спектаклларининг қисқача баёни берилган китобча. XVII аср охирларидан бошлаб театрга келган томошабинларга шундай китобчалар тақдим этилган, терминнинг пайдо бўлиши ҳам шу билан боғлиқ. 2) опера спектаклининг матний асоси, шунингдек, балет спектаклининг адабий сценарийси. Ҳар икки ҳолда ҳам асарни саҳнада ижро қилиш учун асос бўлиб хизмат қилади. Л. махсус, яъни янги мавзудаги оригинал асар сифатида яратилиши ҳам, мавжуд асарни мослаштириш, опера ёки опереттага мос инсценировка қилиш йўли билан ҳам ёзилиши мумкин.