Muashshar

Muashshar (ar. معشر – oʻnlik) – musammat turlaridan biri, oʻn misrali bandlardan tarkib topuvchi sheʼr shakli; oʻn misrali band. Musammatning boshqa turlaridagi kabi M. sheʼr shaklida ham dastlabki band misralarining oʻzaro (a-a-a-a-a-a-a-a-a-a) qofiyalanishi, keyingi bandlarda avvalgi toʻqqiz misraning oʻzaro, oxirgi misraning esa birinchi band bilan (b-b-b-b-b-b-b-b-b-a, v-v-v-v-v-v-v-v-v-a va hok.) qofiyalanishi koʻzda tutiladi. Shuningdek, M.da ham bir yoki ikki misra tarjeʼ sifatida takrorlanishi mumkinki, bunda qofiyalanish tartibi shunga mos boʻladi. Xuddi mutassa (q.) kabi, M. ham mumtoz sheʼriyatimizda kam qoʻllangan sheʼr shakllaridan sanaladi.

Муашшар (ар. معشر – ўнлик) – мусаммат турларидан бири, ўн мисрали бандлардан таркиб топувчи шеър шакли; ўн мисрали банд. Мусамматнинг бошқа турларидаги каби М. шеър шаклида ҳам дастлабки банд мисраларининг ўзаро (а-а-а-а-а-а-а-а-а-а) қофияланиши, кейинги бандларда аввалги тўққиз мисранинг ўзаро, охирги мисранинг эса биринчи банд билан (б-б-б-б-б-б-б-б-б-а, в-в-в-в-в-в-в-в-в-а ва ҳок.) қофияланиши кўзда тутилади. Шунингдек, М.да ҳам бир ёки икки мисра таржеъ сифатида такрорланиши мумкинки, бунда қофияланиш тартиби шунга мос бўлади. Худди мутасса (қ.) каби, М. ҳам мумтоз шеъриятимизда кам қўлланган шеър шаклларидан саналади.