Paleografiya

Paleografiya (yun. palaios – qadimgi, grapho – yozmoq) – yozuvlar tarixini oʻrganuvchi tarixiy-filologik fan sohasi. P.ning vazifalari doirasiga qadimgi yozma yodgorliklarni tadqiq etish, bitiklarni oʻqish (rasshifrovka), ular yaratilgan joy va vaqtni aniqlash kabilar ham kiradi. P. bu vazifalarni yozuv asosida, qadimgi bitiklarning yozuv xususiyatlaridan kelib chiqqan holda amalga oshiradi. P. oʻz faoliyatini tarix, til tarixi, adabiyot tarixi, matnshunoslik kabi sohalar bilan mustahkam aloqada olib boradi. Jumladan, matnshunoslik faoliyatida P. muhim yordamchi soha boʻlib xizmat qiladi.

Палеография (юн. palaios – қадимги, grapho – ёзмоқ) – ёзувлар тарихини ўрганувчи тарихий-филологик фан соҳаси. П.нинг вазифалари доирасига қадимги ёзма ёдгорликларни тадқиқ этиш, битикларни ўқиш (расшифровка), улар яратилган жой ва вақтни аниқлаш кабилар ҳам киради. П. бу вазифаларни ёзув асосида, қадимги битикларнинг ёзув хусусиятларидан келиб чиққан ҳолда амалга оширади. П. ўз фаолиятини тарих, тил тарихи, адабиёт тарихи, матншунослик каби соҳалар билан мустаҳкам алоқада олиб боради. Жумладан, матншунослик фаолиятида П. муҳим ёрдамчи соҳа бўлиб хизмат қилади.