Plagiat

Plagiat (lot. plagio – oʻgʻirlamoq) – adabiy oʻgʻirlik, oʻzga ijodkorning asarini oʻzlashtirib, oʻzining nomidan (yoki taxallus ostida) eʼlon qilish. Shuningdek, birovning asaridan ayrim parchalarni aynan oʻzlashtirib olish ham, mazmunini saqlagan holda shaklini biroz (jumla tuzilishini, uslubini, ayrim soʻzlarni va sh.k.) oʻzgartirib oʻzlashtirish ham P. sanaladi. Afsuski, P. badiiy ijod amaliyotida ham, ilmiy ijod amaliyotida ham uchrab turadi. Bu esa qonun bilan himoyalangan mualliflik huquqini toptash boʻlib, yuridik jihatdan ham, maʼnaviy-axloqiy jihatdan ham nomaqbuldir.

Плагиат (лот. plagio – ўғирламоқ) – адабий ўғирлик, ўзга ижодкорнинг асарини ўзлаштириб, ўзининг номидан (ёки тахаллус остида) эълон қилиш. Шунингдек, бировнинг асаридан айрим парчаларни айнан ўзлаштириб олиш ҳам, мазмунини сақлаган ҳолда шаклини бироз (жумла тузилишини, услубини, айрим сўзларни ва ш.к.) ўзгартириб ўзлаштириш ҳам П. саналади. Афсуски, П. бадиий ижод амалиётида ҳам, илмий ижод амалиётида ҳам учраб туради. Бу эса қонун билан ҳимояланган муаллифлик ҳуқуқини топташ бўлиб, юридик жиҳатдан ҳам, маънавий-ахлоқий жиҳатдан ҳам номақбулдир.