Radd

Radd (ar. رد – qaytarmoq) – mumtoz adabiyotdagi sheʼriy sanʼat, bir soʻzni baytning turli oʻrinlarida takrorlash. Soʻz baytning qaysi oʻrinlarida takrorlanayotganiga qarab, R.ning bir necha turlari farqlanadi va ularning har biri takrorlanish oʻrnini ifoda etuvchi alohida nomga ega. Mas.: raddul ʼajz ʼala sadr (q.) kabi. Bundan tashqari, sheʼrda qofiya, matlaʼ kabi unsurlarning turli koʻrinishlarda takrorlanib kelishi ham mana shu istiloh bilan yuritiladi: radd ul-qofiya (q.), radd ul-matlaʼ (q.) kabi.

Радд (ар. رد – қайтармоқ) – мумтоз адабиётдаги шеърий санъат, бир сўзни байтнинг турли ўринларида такрорлаш. Сўз байтнинг қайси ўринларида такрорланаётганига қараб, Р.нинг бир неча турлари фарқланади ва уларнинг ҳар бири такрорланиш ўрнини ифода этувчи алоҳида номга эга. Мас.: раддул ъажз ъала садр (қ.) каби. Бундан ташқари, шеърда қофия, матлаъ каби унсурларнинг турли кўринишларда такрорланиб келиши ҳам мана шу истилоҳ билан юритилади: радд ул-қофия (қ.), радд ул-матлаъ (қ.) каби.