Soqiynoma

Soqiynoma (ar. ساقي – suv ulashuvchi, ruhiy ozuqa beruvchi, نامه – xat) – mumtoz adabiyotdagi oʻziga xos kompozitsion qurilishga ega yirik hajmli lirik janr. S. bir necha banddan tashkil topib, uning har bir bandi masnaviy shaklidagi bir necha baytdan (a-a, b-b, v-v va h.) tarkiblanadi. Manbalarda S.ning qatʼiy shakliy belgilari sifatida mutaqorib bahrida yozilishi va har bir bandining soqiyga murojaat bilan boshlanishi koʻrsatiladi. Mas., Navoiyning “Favoyid ul-kibar” devoniga kiritilgan S. jami 32 banddan iborat boʻlib, uning birinchi bandi quyidagi bayt bilan boshlanadi:

Soqiyo, tut qadahi shohona,

Qatrasi laʼl vale yakdona.

Соқийнома (ар. ساقي – сув улашувчи, руҳий озуқа берувчи, نامه – хат) – мумтоз адабиётдаги ўзига хос композицион қурилишга эга йирик ҳажмли лирик жанр. С. бир неча банддан ташкил топиб, унинг ҳар бир банди маснавий шаклидаги бир неча байтдан (а-а, б-б, в-в ва ҳ.) таркибланади. Манбаларда С.нинг қатъий шаклий белгилари сифатида мутақориб баҳрида ёзилиши ва ҳар бир бандининг соқийга мурожаат билан бошланиши кўрсатилади. Мас., Навоийнинг “Фавойид ул-кибар” девонига киритилган С. жами 32 банддан иборат бўлиб, унинг биринчи банди қуйидаги байт билан бошланади:

Соқиё, тут қадаҳи шоҳона,

Қатраси лаъл вале якдона.