Takror

Takror – matniy, kompozitsion yoki tematik birliklarning maʼlum badiiy-estetik maqsadlarni koʻzlagan holda takrorlanishi, badiiy matn (va asar kompozitsion qurilishi)ga xos shunday usullarning umumiy nomi. T. badiiy asarning turli sathlarida kuzatiladi. Jumladan: a) badiiy nutqda: fonetik (alliteratsiya, assonans, fonetik anafora, ishtiqoq), leksik (soʻz T.i, klimaks, anafora, epifora, anadiplosis va b.), semantik (gradatsiya, maʼno T.i) sintaktik (sintaktik parallelizm, xiazm); b) ritmik birliklarning oʻlchov asosida tartibli takrorlanishi: turoq (rukn), misra (yoki bahr), band; v) sheʼr kompozitsiyasi darajasida: misra T.i (refren, tarje), band T.i (naqorat); g) obrazli-tematik T.lar (tematik parallelizm, motiv).

Такрор – матний, композицион ёки тематик бирликларнинг маълум бадиий-эстетик мақсадларни кўзлаган ҳолда такрорланиши, бадиий матн (ва асар композицион қурилиши)га хос шундай усулларнинг умумий номи. Т. бадиий асарнинг турли сатҳларида кузатилади. Жумладан: а) бадиий нутқда: фонетик (аллитерация, ассонанс, фонетик анафора, иштиқоқ), лексик (сўз Т.и, климакс, анафора, эпифора, анадиплосис ва б.), семантик (градация, маъно Т.и) синтактик (синтактик параллелизм, хиазм); б) ритмик бирликларнинг ўлчов асосида тартибли такрорланиши: туроқ (рукн), мисра (ёки баҳр), банд; в) шеър композицияси даражасида: мисра Т.и (рефрен, тарже), банд Т.и (нақорат); г) образли-тематик Т.лар (тематик параллелизм, мотив).