Tamanniʼ

Tamanniʼ (ar. تمنيع – orzu qilish) – insho yoʻllaridan biri, fikrni ifodalash usuli, lirik qahramon oʻy-kechinmalari, his-tuygʻularining orzu-istak izhori tarzida ifodalanishi. T.da zohiran lirik qahramon orzusigina ifodalansa ham, botinda boshqa maqsad (maʼshuqa vasfi, oʻz holining bayoni va b.) koʻzda tutiladi. Mas., Ogahiyning:

Mening maqsudim uldurkim, sening boshingdin aylansam,

Oyoqinggʻa boʻlub sadqa, koʻzu qoshingdin aylansam, –

baytida lirik qahramonning “boshingdan, koʻzu qoshingdan aylansam, oyogʻingga sadqa boʻlsam” tarzidagi orzusi, bir tomondan, maʼshuqaning har jihatdan yetuk va goʻzal ekanligi eʼtirofi boʻlsa, ikkinchi tomondan, oshiqning cheksiz muhabbati izhoridir.

Таманниъ (ар. تمنيع – орзу қилиш) – иншо йўлларидан бири, фикрни ифодалаш усули, лирик қаҳрамон ўй-кечинмалари, ҳис-туйғуларининг орзу-истак изҳори тарзида ифодаланиши. Т.да зоҳиран лирик қаҳрамон орзусигина ифодаланса ҳам, ботинда бошқа мақсад (маъшуқа васфи, ўз ҳолининг баёни ва б.) кўзда тутилади. Мас., Огаҳийнинг:

Менинг мақсудим улдурким, сенинг бошингдин айлансам,

Оёқингға бўлуб садқа, кўзу қошингдин айлансам, –

байтида лирик қаҳрамоннинг “бошингдан, кўзу қошингдан айлансам, оёғингга садқа бўлсам” тарзидаги орзуси, бир томондан, маъшуқанинг ҳар жиҳатдан етук ва гўзал эканлиги эътирофи бўлса, иккинчи томондан, ошиқнинг чексиз муҳаббати изҳоридир.