Tashbehi kinoyat

Tashbehi kinoyat (ar. تشبيه كناية – koʻchimli oʻxshatish) – tashbeh turlaridan biri, toʻrt unsurdan faqat mushabbihun bih ishtirok etuvchi tashbeh. Yaʼni T.k.da mushabbih, vositai tashbih va vajhi shabih tushirib qoldiriladi, mushabbihun bih esa mushabbih maʼnosida, yaʼni koʻchma maʼnoda ishlatiladi. Mohiyatan, T.k. istioradan farqlanmaydi. Mas., Navoiyning:

Otashin laʼlidurkim, anda muzmar boʻldi jon,

Otashin gulbargidan xilʼatki jononimdadur, –

baytida “laʼl” soʻzi koʻchma maʼnoda qoʻllanib, “lab” maʼnosini bildiradi.

Ташбеҳи киноят (ар. تشبيه كناية – кўчимли ўхшатиш) – ташбеҳ турларидан бири, тўрт унсурдан фақат мушаббиҳун биҳ иштирок этувчи ташбеҳ. Яъни Т.к.да мушаббиҳ, воситаи ташбиҳ ва важҳи шабиҳ тушириб қолдирилади, мушаббиҳун биҳ эса мушаббиҳ маъносида, яъни кўчма маънода ишлатилади. Моҳиятан, Т.к. истиорадан фарқланмайди. Мас., Навоийнинг:

Оташин лаълидурким, анда музмар бўлди жон,

Оташин гулбаргидан хилъатки жононимдадур, –

байтида “лаъл” сўзи кўчма маънода қўлланиб, “лаб” маъносини билдиради.