Tashbehi muyaqqad

Tashbehi muyaqqad (ar. معقد تشبيه – noaniq oʻxshatish) – tashbeh turlaridan biri, tarkibida faqat mushabbih va mushabbihun bih ishtirok etgan tashbeh. Mas., Boburning:

Xazon yaprogʻi yangligʻ gul yuzing hajrida sargʻardim,

Koʻrib rahm aylagil ey lolaruh bu chehrai zardim, –

baytidagi “gul yuzing” tashbehida toʻrt unsurdan ikkitasi (“gul” – mushabbihun bih, “yuz” – mushabbih) bor, lekin unda vositai tashbih bilan vajhi shabih tushirib qoldirilgan: oʻxshatish grammatik vositalarsiz amalgan oshirilgan, oʻxshatish asosi koʻrsatilgan emas.

Ташбеҳи муяққад (ар. معقد تشبيه – ноаниқ ўхшатиш) – ташбеҳ турларидан бири, таркибида фақат мушаббиҳ ва мушаббиҳун биҳ иштирок этган ташбеҳ. Мас., Бобурнинг:

Хазон япроғи янглиғ гул юзинг ҳажрида сарғардим,

Кўриб раҳм айлагил эй лоларуҳ бу чеҳраи зардим, –

байтидаги “гул юзинг” ташбеҳида тўрт унсурдан иккитаси (“гул” – мушаббиҳун биҳ, “юз” – мушаббиҳ) бор, лекин унда воситаи ташбиҳ билан важҳи шабиҳ тушириб қолдирилган: ўхшатиш грамматик воситаларсиз амалган оширилган, ўхшатиш асоси кўрсатилган эмас.