Terset (ital. terzetto – uchinchi) – uch misrali band shakli boʻlib, uning uchta koʻrinishi bor: 1) bandning uchala misrasi ham oʻzaro qofiyalanadi; 2) bandning 1- va 2-misralari oʻzaro qofiyalanib, uchinchisi ochiq qoladi; 3) banddagi ikki misra qofiyalanadi, uchinchi misra tersinadagi (q.) kabi keyingi banddagi misralardan biri bilan qofiyalanadi. Tor maʼnoda T. termini sonet tarkibidagi uch misrali bandlarni bildiradi.
Терцет (итал. terzetto – учинчи) – уч мисрали банд шакли бўлиб, унинг учта кўриниши бор: 1) банднинг учала мисраси ҳам ўзаро қофияланади; 2) банднинг 1- ва 2-мисралари ўзаро қофияланиб, учинчиси очиқ қолади; 3) банддаги икки мисра қофияланади, учинчи мисра терцинадаги (қ.) каби кейинги банддаги мисралардан бири билан қофияланади. Тор маънода Т. термини сонет таркибидаги уч мисрали бандларни билдиради.
Manba: Dilmurod Quronov, Zokirjon Mamajonov, Mashhura Sheraliyeva. Adabiyotshunoslik lugʻati / f.f.d. D. Quronovning umumiy tahriri ostida. – Toshkent: Akademnashr, 2010. – 400 b.