Xokku

Xokku, xayku (yaponcha “ilk misralar”) – yapon sheʼriyatidagi anʼanaviy qatʼiy sheʼriy shakl, lirik janr. X. uch misradan tashkil topib, birinchi va uchinchi misrasi besh boʻgʻinlik, ikkinchi misrasi esa yetti boʻgʻinlik oʻlchovda boʻladi va bu jihatdan u tankaning (q.) dastlabki uch misrasi bilan bir xil boʻlib, sheʼrning asosiy fikri aks etgan “ilk misralar” X. nomli qatʼiy sheʼr shakli sifatida qaror topgan. Janrning asoschisi sifatida XVII asr yapon shoiri M.Basyo eʼtirof etiladi, u janrning goʻzal namunalarini yaratish bilan birga, unga qoʻyiluvchi shakliy va mazmuniy talablar, estetik prinsiplarni ishlab chiqqan.

Хокку, хайку (японча “илк мисралар”) – япон шеъриятидаги анъанавий қатъий шеърий шакл, лирик жанр. Х. уч мисрадан ташкил топиб, биринчи ва учинчи мисраси беш бўғинлик, иккинчи мисраси эса етти бўғинлик ўлчовда бўлади ва бу жиҳатдан у танканинг (қ.) дастлабки уч мисраси билан бир хил бўлиб, шеърнинг асосий фикри акс этган “илк мисралар” Х. номли қатъий шеър шакли сифатида қарор топган. Жанрнинг асосчиси сифатида XVII аср япон шоири М.Басё эътироф этилади, у жанрнинг гўзал намуналарини яратиш билан бирга, унга қўйилувчи шаклий ва мазмуний талаблар, эстетик принципларни ишлаб чиққан.