Andijon davlat universiteti professori, filologiya fanlari doktori Dilmurod Kuronov Oʻzbekiston Respublikasi Prezidentining tegishli farmoniga koʻra “Oʻzbekiston Respublikasi mustaqilligining 30 yilligi” koʻkrak nishoniga loyiq koʻrildi.
Olim 35 yildan beri ilmiy-pedagogik faoliyat bilan shugʻullanadi.
Dilmurod Kuronov 100 dan ortiq ilmiy ishlar, shu jumladan, 2 ta darslik, 3 ta monografiya, 3 ta qoʻllanma, 1 ta lugʻat muallifi. Respublika matbuotida oʻzbek adabiyotshunosligi masalalariga bagʻishlangan 80 dan ziyod ilmiy maqolalar chop etgan.
Uning umumiy tahriri va hammuallifligida chop etilgan “Adabiyotshunoslik lugʻati” adabiyotshunoslik sohasida asosiy lugʻat sifatida foydalanib kelinmoqda.
Olim Abdulhamid Choʻlponning 3 jildlik asarlari toʻplamining 2-jildini nashrga tayyorlagan, 4 jildlik Choʻlpon asarlarini nashrga tayyorlash va chop ettirish boʻyicha guruhga rahbarlik qilgan.
D.Kuronov saʼy-harakatlari bilan 2018 yildan boshlab “Andijon ijodkorlari merosidan” nomli seriyada uning umumiy tahriri ostida seriyaning beshta kitobi chop etilgan. Olimning 2010–2019 yillarda “Adabiy jarayonda “Mom sindromi”, “Mutolaa va idrok mashqlari”, “Zavqimdan bir shingil”, “Talqin imkonlari”, “Adabiy oʻylar”, “Nazariy qaydlar”, “Adabiyot va b. haqida” nomli kitoblari chop etilgan.
Dilmurod Kuronov tarjima bilan ham shugʻullanib, “Gʻarb adabiy- tanqidiy tafakkuri tarixi ocherklari” qoʻllanma-xrestomatiyasida 15 ga yaqin olimlarning asarlari uning tarjimasida berilgan.
D.Kuronov rahbarligida 1 nafar fan nomzodi, 4 nafar falsafa doktori va 2 nafar fan doktori tayyorlangan.
Dilmurod Kuronov 2009 yili “Ilmiy xabarnoma – Nauchnыy vestnik” jurnalini davriy nashr sifatida tashkil qilgan va 10 yildan ortiq vaqt davomida jurnalning bosh muharriri lavozimida ishlab kelmoqda.
Андижон давлат университети профессори, филология фанлари доктори Дилмурод Куронов Ўзбекистон Республикаси Президентининг тегишли фармонига кўра “Ўзбекистон Республикаси мустақиллигининг 30 йиллиги” кўкрак нишонига лойиқ кўрилди.
Олим 35 йилдан бери илмий-педагогик фаолият билан шуғулланади.
Дилмурод Куронов 100 дан ортиқ илмий ишлар, шу жумладан, 2 та дарслик, 3 та монография, 3 та қўлланма, 1 та луғат муаллифи. Республика матбуотида ўзбек адабиётшунослиги масалаларига бағишланган 80 дан зиёд илмий мақолалар чоп этган.
Унинг умумий таҳрири ва ҳаммуаллифлигида чоп этилган “Адабиётшунослик луғати” адабиётшунослик соҳасида асосий луғат сифатида фойдаланиб келинмоқда.
Олим Абдулҳамид Чўлпоннинг 3 жилдлик асарлари тўпламининг 2-жилдини нашрга тайёрлаган, 4 жилдлик Чўлпон асарларини нашрга тайёрлаш ва чоп эттириш бўйича гуруҳга раҳбарлик қилган.
Д.Куронов саъй-ҳаракатлари билан 2018 йилдан бошлаб “Андижон ижодкорлари меросидан” номли серияда унинг умумий таҳрири остида сериянинг бешта китоби чоп этилган. Олимнинг 2010–2019 йилларда “Адабий жараёнда “Мом синдроми”, “Мутолаа ва идрок машқлари”, “Завқимдан бир шингил”, “Талқин имконлари”, “Адабий ўйлар”, “Назарий қайдлар”, “Adabiyot va b. haqida” номли китоблари чоп этилган.
Дилмурод Куронов таржима билан ҳам шуғулланиб, “Ғарб адабий- танқидий тафаккури тарихи очерклари” қўлланма-хрестоматиясида 15 га яқин олимларнинг асарлари унинг таржимасида берилган.
Д.Куронов раҳбарлигида 1 нафар фан номзоди, 4 нафар фалсафа доктори ва 2 нафар фан доктори тайёрланган.
Дилмурод Куронов 2009 йили “Илмий хабарнома – Научный вестник” журналини даврий нашр сифатида ташкил қилган ва 10 йилдан ортиқ вақт давомида журналнинг бош муҳаррири лавозимида ишлаб келмоқда.
Dilmurod Quronov